Andreas Leitgeb wrote:
> Do red ma imma, dass' so schee is, waunn ana redt, wia=20
> eam da schnowe gwoxn is, owa waunn oan da schnowe
> wegn zfue feansehgaffn vawoxn is, und er noch seim
> vawoxanan schnowe redt, daunn grausds eich...
>=20
> Wo is da untaschied, ob de schbroch duach bemische
> kechinnen und Hausmadln "eaweitat" wiad, oda ob des=20
> duach piefk^H^H^H^H^Hdeitsche Feansehsenda passiat?
> I binnma sicha, doss bei de bemischn ausdrick domois
> aa so maunchn a ganslhaud kumman is.
>=20
> Da denk ich mir: "was is da schon bei?"
Do muass i scho a eanstes weatl dazua sogn:
Mia Esdarreicha haum uns eigandlich imma obsichtlich von
de Piefke untascheiden woin, unta audan aa sprochlich.
(I wass, ned olle, anige hom scho oiweu "heim ins reich" woin)
Des hod vaschidane gruend, z.b.:
da mindertigkeitskomplex gegniba in grossn bruada, oba aa
weu de mentalitet draussn scho vue aundas is.
Und de sproch hod vue mit da mentalitet ztuan.
zua sprochentwicklung:
Es gibd in oanzelne dialgde / gegenden sea guade dreffende
ausdrick und wauma sowas in a audare gegend iwanimmd,
kaun des a sprochentwicklung in sinn von ana bereicherung sein.
In Deitschlaund gibds vuele dialegde oba olle gegan z.zt unta.
Oba waun de Piefke eanare eiganan dialegde zu an RTL-deitsch
vaflochen - des brimidivsde setzt si durch, weu ma jo so redn
muass, dass an a jeda trottl vasteht - so hassd des ned,
dass mia aa an jeden bledsinn iwaneman miassn.
Und so bin i peasenlich sea draurig iba de entwicklung de z.zt.
bassierd.
Seas
Pit
--=20
Peter Joh. Brunner, pjbru(at)utanet(dot)at
---------------------------------------------
Und jeder lebt f=C3=BCr sich im Grenzenlosen und kann sein Leben nicht=20
verstehn (Manfred Hausmann)
|
