de mülliaon
in deine augn, do is a leichtn - i gschbia, do is wos drinn fia mi
brauchst es jo ned dem pfoffm beichtn - kumm, setzt de zuwe, wisawi
eazöö, wos d wüüsd, i bin in himme - hear i dei schdimm, bin ii in traam
wiar in a kutschn mid seggs schimme - fiar i di mid mein moped haam
i gschbia des glick vua meina tia - a neuches lebm liegt vua mia,
wo kaon des wean, des frog i ned
i kenntad lochn gaonzn tog - do is a mensch, des wos mi mog -
bevua i's gneiss, is's längst zu schbäd
do woar a gaonza schiiwl gfraasda - und i woa blind oes wiara haohn
hob oeweu brennt oes wiara maasta - boed woari stia, daonn san s davaon
es wiad scho grau, i steig in d hapfn - du hosd de laong scho um mi gsuagt
di augn varead, und ohne schlapfn - ka gööd, und kaana, dea wos buagt
du redst ka weatl mea mid mia - mei schef, dea setzt mi vua di tia
wos soi des wean, des frog i mii
da exekutor wo scho do - wohin pickt ea den kuckuk no
es draht se oes um di marie
In neichn joa wiad olles bessa - i faong midn bestn vuasotz aon
i gib mein schweinehund an schdessa, - dass a si ned davaongan kaon
I reiss de nexte hockn nieda - i wea tschinogln wiar a noa
wiasd segn, daonn bliad fiar uns da flieda - fia unsa haus in nextn joa
daon schded des glick vua unsra tia - des gheat daonn diar a so wia mia
es wiad scho wean, des muasst ma glaubm
wiasd nua mea lochn, neamma rean - des paradies wiad unsa ghean
mit honig, müüch und brodne taubm
heid loss mar olle offn tanzn - bis in da frua gibts kann pardon
heid, oede, braucht uns kaana pflanzn - weil heid ghead s uns, die
mülliaon
a hoewes lebm howi mi gschundn - und olle wochn lotto gspüüd
hob ma ka gscheide hockn gfundn - und hob me wiar in hefn gfüüd
jetzt is des glick vua meina tia - a neicha obschnitt liegt vua mia
jetzt zagt des lebm ois, wos 's kaonn
vuabei de nudldruckerei - bring wos zum tschechan, owa glei
und schenk uns ein, daonn schdess mar aon
- bist af amoe so kaasig wuan - host goar am end den schein valuan -
- - - si woa scho zua, die lotterie ! - - -
mia gfriad es lochn, meina sööl - schdessd mi von himme in de höll -
- jetzt howi di - und du host mi.
is unsa schicksoe, oeweu schtia. - moch da nix draus, i schdeh zu dia,
- i hob jo di - und du host mi.
(waon wea a melodie brauchd - frogds den raini ;-)
heini
|
