On 23 Mrz., 00:21, "Peter Joh. Brunner" <pj...@[EMAIL PROTECTED]
> wrote:
> han...@[EMAIL PROTECTED]
wrote:
> >> I peasoenli glaub dass uns nua nuklear energi rettn kaun - waunnsda
>
> > Glaubst wiaklich?
>
> >> tema gibt, und waas a, dass mo scho gaunz ondare technologin anpeiln,
> >> wo's dann a widavaweatung des vabrauchtn uraneazes gibt - i glaub de
>
> > Waun ma sie aunschaut wos bei da Widaaufbereitung in Sellafield
> > passiat, bin i ma do net so sicha. De Strohlung soit ma net
> > untasch=E4tzn und bis de oklingt dauats hoit a wengl.
> > Ob ma des unsan Uauauaenkaln auntuan soitn?
>
> Jo, und waumma waas, dass de uranvorkomman aa nur fia a poa jahrln
> reichen, iss umso schlimma, waumma weng dera kuazn zeid de gaunze woed
> vasaut, stott dass ma jez glei des aupeult, wos ma eh nochad mochn
muass.
>
> A bekaunnta vo mir do aus Molln hod do an vuatrog zsammgstoed iba die
> energie-problematik. Ea hod nua bekaunte untasuchungsergebnisse
> zsaumgstoed, oba wos do aussakummd is beaengtigend.
>
> Wauns wem indressiad, kaun a se de bauaboind-datei
owalodn:www.molln.at-> =
presseinfos -> "Energieverbrauch - R=FCckkehr zum
> menschlichen Ma=DF"
>
> scheene griass, bsundas aund Geati
> Pit
Griass Eich God
Eastens dankschee Otto, fia's angebot mia a musi vom Neuwiath zu
schikkn. - I hob: "Roland Neuwirth und die Extremschrammeln". Aiso
waunsd iagendwos neichs und lustigs von eam host - bittsche, gearn.
Hannes: Jo, mei oedaste is in de viazga - beide partner scheinen
gaunz zufridn mit dea loesung zu sein.
I hoff hoit das des need a schtendiga zuastaund wiad und dass de zwa
wida zsammkumman. Zu ostan woans beide bei mia, oba getrennt - se hot
de kinda brocht, ea hot's a'ghoit - und zwischnduach homma schee
gessn, saan a bissl gschwumman, ham uns Flamenco angheat (de oedeste
is scho 16), schach gschbuet, photos angschaut und vue glocht.
Gfreit mi, dass bei eich ois wida in uadnung is.
I glaub maunchmoi des schlimmste im lem is unta schtendign drukk von
iagendwoelche langweiligen notwendigkeiten zu sein (kochn, woschn,
oabeitn gehn - ohne pause), so dass ka zeit is zu iagendwas
aussagewenlichn, ob des jetzt kunst, reisen, wandan etc. is und des
aafochste is hoit zu sogn: "I muass mei lem total endan, an ondan
partner finden etc." .... A totala obaglaum, meines earochtens. De
kunst im lem is, des alltegliche schoen zu finden - und ibaroi was
neichs and scheens zum segn; wenn ma's need von haus aus kaun, dann
muassma's leanen.
Iba nuklear binimano neeed gaunz kloar, oba I waass, dassde menschheit
seit da bible (Eva und da Opfel) immano jede neiarung aungnumman hot.
Sellafield is oite technologi (60iger joagaung?), oba se bemuen se
sea, den abbau umwoedunschaedlich zu mochn.
De Franzosn hom do scho a bissl mea hian - de hom ja scho seit dea
eastn oelkrise aungfaungen atom reaktoren zum bauen - se hom
amerikanische technologi von Westinghouse kauft und alle 56 oda so
Reaktoren saan de gleichn. No kaane gressan unfaelle ghobt, nua was I
need wos mit dem Resturan mochn. A neiche technologi des Uranerz noch
mea auszuweaten gibt's a scho - und in zukunft wiad's doch den fission
reactor gem, dea no weniga - oda goa kaa - unvabrennts U hintalosst.
Es gibt jetzt a neiche technologi, des Uran mit Lazer zu bereichern
(in Ausdralijen eafunden, von GE vua kuazem gekauft) - und des soi
widerum mea vaweaten und weniga rikkstend gem. Uran gibt's zimlich
vue aufda woed, oba do gibt's jetzt de 'breeder reactors' de uran
eazeugn - vaschdeh nix vonda technologi.
Pit: I homma den PP vuatrog duachglesn, und muass sogn, dass I des
ois was, und I glaub jeda gebuedete mensch was des meiste wos do drin
schdeht. Is schee gmocht und wead vasuchn des auszudrukkn. Da
hintagrindige gedaunkn is aa need schlecht, nemlich dass mia olle
unsare anschbrich reduzian soitn. De schlimmste energi vaschwendung
is beim autofoan, wohnan, haazn, kochn etc.
:-): Da lasst se scho wos mochn: need in'd obeit gen, auf kaan ualaub
aufde kanarischen inseln fliagn, koit essn und s'gwandl a gaunze wochn
drogn bevua ma's woscht. Und im summa schwitzn - oba jo need woschn,
w=E4u des kost elektrizet, und im winta min wintamauntl ins bett gen. A
naiarung weama daun scho brauchn, nemlich gesichtsmaskn, damit ma
unsan mitmenschn need riachn. :x((
In meina generazion hots de leitln gem, de so glebt hom - de hom
'hippies' ghassn. Hot se need duachgsetzt (obwoi is a aamoi probiat
hob).
I maan hoit de jetzigen probleme in Amerika in da finanzwoed wiad scho
einige foign hom und de woed is in aana grossn umwaundlung begriffn.
Es saan interessante zeitn, de auf uns woatn, und je woedoffena,
gschikkta und flexibla mia uns aunschdoen, desto gressa de schans zum
ibalem. Jessas do foit ma wida da Neiwiat ein - soi ma mit
'Phantastisch-Elastisch' aufhean?
Seass
de Geati
|
