http://www.shekulli.com.al/news/45/ARTICLE/11357/2007-06-12.html
> Bashkim Shala
> 12-06-2007
>
> Radica Petroviq, ka hyrë dje në Shqipëri. "Kam shkruar kundër
regjimit
> dhe nuk kam më jetë në Serbi"
>
> KUKËS- Siguria se Shqipëria është një vend që respekton të
drejtat e
> njeriut, ka bërë që edhe një shtetase serbe të paraqitet në
policinë e
> Kukësit dhe të kërkojë azil politik. Ngjarja ka ndodhur paraditen e
> djeshme dhe ka habitur të gjithë policinë lokale. Një grua
47-vjeçare
> nga Serbia është paraqitur në policinë lokale, duke treguar se
është
> gazetare dhe se përndiqet politikisht nga regjimi në Serbi.
Menjëherë
> shtetasja serbe, Radica Petroviq, është marrë në mbrojtje nga
policia
> shqiptare, e cila ka dërguar të gjitha materialet në lidhje me të,
në
> Ministrinë e Brendshme. Sot, pritet që ajo të transferohet në
Tiranë,
> ku do të sistemohet në qendrën e azilkërkuesve. Lajmi është pohuar
dje
> nga burimet zyrtare të Policisë së Kukësit.
> Rreth orës 10.00 të paradites së djeshme, në pikëkalimin kufitar
të
> Vermicës ka hyrë një shtetase serbe e pajisur me pasa****të të
rregullt.
> Ajo ka kaluar pa asnjë problem kufirin dhe është nisur në drejtim
të
> Morinës. Sapo është paraqitur në polici, ajo ka kërkuar të takohet
me
> krerët lokalë. Oficerët e rojës janë habitur kur ajo ka kërkuar
të
> takohet me shefat, **** ia kanë mundësuar një gjë të tillë. Me të
takuar
> krerët e policisë, Radica Petroviq ka kërkuar strehim politik. "Unë
jam
> një grua 47-vjeçare nga Serbia. Gjeneralitetet e mia mund të
> konfirmohen nga kjo pasa****të që kam. Në Serbi punoj si gazetare dhe
> kohët e fundit, kam bërë shkrime që nuk i kanë ardhur për mirë
> qeverisë. Për këtë arsye jam larguar dhe kërkoj azil politik. Duke
> menduar se Shqipëria është një vend demokratik është e mundshme
për t'u
> strehuar këtu",- ka pohuar përpara policisë, shtetasja serbe. Ajo
është
> marrë menjëherë në ruajtje dhe është dërguar në qendrën e
përkohshme të
> strehimit të refugjatëve, e ndërtuar nga IOM, në Kukës.
> Gruaja ka rrëfyer për policinë se është nga qyteti i Zajecharit,
rreth
> 100 kilometra larg Beogradit. Ajo ka lindur në vitin 1960 dhe është e
> divorcuar nga burri që në vitin 1992. Radica Petroviq ka dy fëmijë
> binjakë, të moshës 27-vjeç dhe punon gazetare në mediat lokale. Më
pas,
> gruaja ka rrëfyer se kohët e fundit, për shkak të disa shkrimeve që
> kishte bërë, qëndrimi i saj në Serbi ishte pothuajse i pamundur.
Pasi
> kishte marrë autobusin ajo kishte udhëtuar nga Beogradi në
Prishtinë,
> ku kishte qëndruar një ditë. Nga aty kishte shkuar në drejtim të
> Prizrenit, ku kishte marrë një taksi për të hyrë në tokën
shqiptare. Me
> këtë taksi, gruaja 47-vjeçare ka hyrë në tokën shqiptare, ku edhe
ka
> kërkuar strehim politik. Të gjitha këto dëshmi janë marrë me
rezerva
> nga ana e policisë së Kukësit, e cila ka nisur verifikimet. Burime
të
> policisë hodhën dy****me, në lidhje me faktin që Radica Petroviq
është
> apo jo gazetare, pasi ajo ka pohuar se është me shkollë të mesme.
Sot,
> pritet që ajo të dërgohet në Tiranë, ku do të mbahen në qendrën
e
> azilkërkuesve. Më pas i takon Ministrisë së Brendshme, që të
fillojë
> procedurat e azilit.
Si duket e vetmja dritare për Serbinë, prej nga hyn pak dritë shprese,
është Shqipëria, sado e çuditshme të na duket kjo. Vendet tjera si
Sllovenia, Hungaria,Rumania,Bullgaria dhe Greqia e kanë vendosur
regjimin e vizave për shtetasit serbë. Në shtete të tjera si Kroacia,
Kosova dhe deri diku Bosnja-Hercegovina, serbët nuk janë të
mirëpritur,
kurse Maqedonia dhe Mali i Zi nuk i shqyrtojnë këto kërkesatë
serbëve,
pasi konsiderojnë se Serbia është një shtet demokratik (Kjo,
fatkeqësisht ende nuk është e vërtetë).
|
