Kandidati i Partisë së Drejtësisë për Kryetar të Prishtinës, Safet
Merovici tha se nëse arrin të marrë mbështetjen e qytetarëve do të
angazhohet për forcimin e integritetit moral dhe ushtrimin plotë të
fesë në institucionet e Kosovës.
Partia e Drejtësisë ka nisur të hënën fushatën e saj elektorale në
kryeqytet, me ç' rast ka
prezantuar edhe kandidatët për nivelin lokal dhe qendror. Me moton "Në
emër të Zotit me
drejtësi", kandidati për deputet në Parlamentin e ardhshëm të
Kosovës nga ky subjekt politik, Ferid Agani, u bëri thirrje
prishtinasve që të votojnë për PD'në,
në mënyrë që "të jenë pjesë e qeverisjes dhe jo shërbëtorë të
qeverisë".
Ndërsa kandidati për Kryetar të komunës së Prishtinës, Safet
Merovci,
tha se nëse zgjidhet ai
në krye të kryeqytetit do të angazhohet për "forcimin e integritetit
moral, ushtrim të lirë
të identitetit fetar në institucionet kosovare dhe për një familje të
shëndoshë si bazë e
shoqërisë".
Sipas tij, PD meriton votën pasi, siç tha ai, ky subjekt ofron kuadro
të drejta, të dijshme, të
vullnetshme dhe të përkushtuara për punë.
|
