Kandidatët e LDD-së të përfshirë në këtë listë të Koalicionit
“Shoqëria
civile për një parlament të pastër” sipas fakteve të raportuara nga
raportues të pavarur, nuk janë të denjë për të qenë pjesë e
Parlamentit
të Kosovës për shkak të shkeljeve që dyshohen se ata kanë bërë.
NEXHAT DACI - Gjatë kohës sa ka qenë në krye të Kuvendit të
Kosovës, ky
institucion është shquar për shpenzime pa vendime të Kryesisë dhe
për
shfrytëzim të parasë publike e të aseteve të Kuvendit për nevoja
private të kryeparlamentarit. Rasti më flagrant është ai për
ndërtimin
e qendrës protokollare në parkun e Gërmisë.Vendimi për të ndërtuar
qendrën protokollare u mor nga vet kryeparlamentari Daci, pa marrë
miratimin e kryesisë së kuvendit. Edhe pse pa e mbaruar punën, kësaj
kompanie i janë dhënë 1.1 milion euro të tjera për punët që do
t’i
kryente vitin në vijim.
Shkelje me buxhetin e Kuvendit të Kosovës po ashtu u bë edhe me blerjen
e veturës së blinduar për Kryeparlamentarin, në shumën prej 235 mijë
euro. Kjo shumë e pagesës është verifikuar edhe nga Auditori Gjeneral
i
Kosovës për 2005, i cili po ashtu ka konstatuar parregullsi në
procedurat e prokurimit për blerjen e kësaj veture, ndërsa vetura nuk
erdhi asnjëherë në Kosovë. Kuvendi sipas auditorit nuk ka asnjë
dëshmi
për vendodhjen e veturës apo datën pranuese të dërgesës. Ky rast
është
hetuar edhe nga policia dhe për këtë janë arrestuar persona që
dyshohen
se kanë qenë përgjegjës, këshilltari kryesor i kryeparlamentarit
Daci,
Ahmet Alishani.
Nexhat Dacit, pas shkarkimit nga posti i kryeparlamentari i janë
zbuluar edhe afera të tjera financiare si shpenzime të shumta në
Brezovicë, në vilën nën pronësi të tij në qendrën e skijimit.
Gjithashtu ai kishte rregulluar dhëmbët dhe ka blerë syze dielli me
para të buxhetit të Kosovës. Policia ia mori një gjenerator nga vila e
tij në Brezovicë, të cilin ai e kishte marrë nga Kuvendi i Kosovës.
BERIM RAMOSAJ- Si ish-kryeshef i ekzekutivit të Komunës së Prishtinës,
ka bërë inaugurimin e objektit pa leje në parkun e Gërmisë,”Villa
Gërmia”, të ndërtuar nga kompania hoteliere “Kosova”. Po ashtu
gjatë
kohës sa ai ka qenë kryeshef i ekzekutivit dhjetra hektarë tokë pronë
e
komunës janë përvetësuar në mënyrë të paligjshme. Gjatë mandatit
të tij
Prishtina është përfshier nga ndërtime të shumta pa leje. Ka
nënshkruar
kontratë me kompaninë “AMM” për vendosjen e reklamave nëpër
rrugët e
Prishtinës (billborde) pa shpallur më parë tender duke shkelur rëndë
procedurat për prokurim publik.
HAFIZ KRASNIQI - Si drejtor i tregut në Prishtinë pas luftës nuk ka
dhënë raporte asnjëherë për të hyrat dhe të dalat të inkasuara nga
qiratë e mbledhura nga shitësit. Si kryeshef i inspeksionit të
ndërtimit është përgjegjës për heqjen e telave me gjemba për 24
objekte
të cilat qenë rrethuar nga UNMIK-ut si ndërtime që duheshin prishur
për
shkak se qenë ndërtuar pa leje. Më vonë ai u bë zv/ministër i
Transporteve dhe Telekomunikacionit dhe është shkarkuar për shkaqe që
nuk dihen.
RAMADAN KELMENDI - ka uzurpuar një banesë pronë e barnatorës publike.
Barnatorja ka bërë përpjekje disa herë që ta lirojë banesën por
Kelmendi ka përdorur edhe lidhjet e tij në gjykata për të mbetur në
atë banesë ku edhe sot jeton.
Mban disa poste: deputet në Kuvendin e Kosovës nga radhët e LDD-së,
drejtor në byron për punësim (e quajtur BVI) në Mitrovicë, ligjëron
në
degën në Mitrovicë të Universitetit privat FAMA.
Ka punësuar mbi 10 të afërm të tij në kompaninë Trepça, derisa
jashtë
kanë mbetur shumë njerëz që nuk kanë pasur lidhje për t’u rikthyer
në
vendin e punës.
ADEM SALIHAJ - Salihaj ka fshehur edhe faktin se dhëndërri i tij kryen
punën e menaxherit në ndërmarrjen private “Burimi”, e cila kishte
dalë
fituese e tenderit për lirimin e magjistrales Kaçanik-Shkup. Vetë
dhëndërri i tij e ka konfirmuar këtë për shtypin ditor duke pranuar
se
është punëtor i firmës “Burimi”.
Shtypi ditor ka raportuar se Salihaj, si zvkryeministër i Kosovës, i ka
bërë presion kryeprokurorit të Kosovës, Ilmi Zhitisë duke e ftuar në
zyrën e tij pasiqë ishte akuzuar publikisht se ka blerë postin e tij
të
zvkryeministrit. Asnjëherë nuk ka dhënë shpjegime se cili ka qenë
burimi i mjeteve me të cilat ka paguar rojat, trupërojat dhe shoferët
për 24 orë në ditë. Kur i ka humbur postet dhe burimet e mjeteve i ka
larguar të gjitha këto struktura mbrojtëse dhe tash lëvizë lirshëm.
SEJDË TOLAJ - Është raportuar në shtypin ditor se ka marrë nga
persona
të interesuar për hapje të qendrave për kontrollim teknik të veturave
nga dhjetë mijë euro. Më 16 mars të vitit 2005 një dëshmitar ka
thënë
se kishte paguar pikërisht Sejdë Tolajn për të marrë licencën për
kontrollin teknik të automjeteve. Pasi nuk merr licensën, dëshmitari
del publikisht dhe akuzon Sejdë Tolajn, i cili i mohoi por nuk pranoi
të ballafaqohet me këto akuza publikisht.
SYNAVERE RYSHA - Këshilltare në KK të Ferizajt dhe poashtu auditore e
brendshme në KK. Ky fakt disa herë është shqyrtuar në asamble dhe
është
vlerësuar si konflikt interesi. Vëllau i saj ka qenë shfrytëzues me
qira i tregut të gjelbërt nëpërmjet marrëveshjeve që dëshmojnë
keqpërdorim të pronës publike. Emri i Sinavere Ryshës për këtë rast
është përmendur nëpër të gjitha mediat lokale dhe qendrore.
ENVER MUJA - Ish-kryeshef i ekzekutivit në Gjilan. Ka padi në
Prokurorinë Komunale nën akuzën se ka keqpërdorur fondet publike.
Truprojat e tij kanë sulmuar dhe rrahur gazetarin/kamermanin e
Kohavisionit (KTV), të cilët po xhironin afër shtëpisë së tij duke
përgatitur kronikën në të cilën raportohet se Muja ka shtruar me
asfalt
rrugën pranë shtëpisë së tij.
PAJAZIT PLLANA - Si kryetar i ShBH ‘Nëna Tereze’ gjatë luftës në
Kosovë
në bashkëpunim me persona tjerë dyshohet se kanë bërë përvetesim
të 23
ton sheqer, 23 ton miell si dhe 25 ton vaj në kohën kur zhvilloheshin
luftimet në Drenicë dhe pjesë tjera të Kosoves.
Në kohën kur Pllana ka udhëhequr ordinancen ”Nëna Tereze” në
Vushtrri
një shiring është përdorur për deri tre persona edhe pse kishte
rezerva
të mjaftueshme të shiringave. Dyshohet se ai i ka shitur shiringat në
barnatore private.
RAMIZ ZEKA - Si udhëheqës i të ashtuquajturit Fond i Solidaritetit para
luftës, shtypi ditor ka raportuar për dyshimet për keqpërdorime me
këtë
fond, kryesisht me pagat për mësimdhënësit gjatë vitit 1997-1998.
Për
shkelje të ligjit dhe keqpërdorim të pushtetit si kryeshef i
ekzekutivit në Pejë, ai në vitin 2004 është paditur në polici nga
administratori i UNMIK-ut Antoni Tomson. Policia e ka hetuar por
megjithatë ndaj tij nuk është ndërmarrë ndonjë masë. Pas këtij
rasti,
policia ka hetuar edhe dy herë tjera aktivitetet e ish-kryeshefit të
Pejës. Herën e dytë është hetuar për falsifikim dokumentesh të
tenderit
me qëllim që të përfitojë një pjesë të parave nga blerja joligjore
e
katër veturave “Xhip” për komunën. Kwto dyshime i ka nxjerrw edhe
ZAGj
nw raportin pwr kwtw komunw. Herën e tretë policia ka dërguar në
prokurori lëndën për përvetësime gjatë shitjes së veturave të
konfiskuara nga policia, në të cilin kryeshefi dhe zyra e prokurimit
janë të dyshuar. Të tri lëndët e hetimeve ndaj tij janë ndalur në
prokurori, pasi që vlerësohet se Ramiz Zeka ka shfrytëzuar lidhjet që
ka aty, ndërsa për asnjërin nuk është hapur proces gjyqësor.
|
