Kandidatët e PDK-së të përfshirë në këtë listë të Koalicionit
“Shoqëria
civile për një parlament të pastër” sipas fakteve të raportuara nga
raportues të pavarur, nuk janë të denjë për të qenë pjesë e
Parlamentit
të Kosovës për shkak të shkeljeve që dyshohen se ata kanë bërë.
BAJRAM REXHEPI – Si kryeministër gjatë mandatit të tij, auditori ka
gjetur parregullsi të shumta në menaxhimin e buxhetit të
kryeministrisë. Nuk ekzistojnë dokumente për qindra mijra euro të
shpenzuara. Gjatë kësaj kohe ai ka blerë një banesë në Prishtinë pa
leje ndërtimi nga organet e Komunës së Prishtinës.
Si nënkryetar i PDK-së është bërë këshilltar i kompanisë çeke të
energjetikës (CEZ), që konkurron për “Kosova C”, që shkakton
konflikt
interesi mes pozitës së tij në parti dhe në kompaninë CEZ.
RRUSTEM MUSTAFA - Është dënuar nga Gjykata e Qarkut në Prishtinë për
krim dhe për këtë ka mbajtur rreth tri vjet burg. Gjykata supreme ka
rikthyer rastin në gjykim për disa gabime procedurale, por mbi të
vazhdon të qëndrojë gjykimi i shkallës së parë për krime.
HAJREDIN KUCHI - Përmes një vendimi të Universitetit të Prishtinës
(UP), profesorit të UP-së Hajredin Kuçi i është dhënë një pjesë e
tokës
publike në shfrytëzim prej UP-së, në të cilën ishte paraparë të
ndërtohen banesa kolektive për nevojat e personelit arsimor të UP-së.
Kjo është bërë pa bazë ligjore dhe në kundërshtim me dispozitat e
nenit
12 të Ligjit mbi Tokën Ndërtimore, ku u bënë ndryshime në operatin
kadastral duke regjistruar këto parcela të UP-së në shfrytëzim të
tyre.
ZEKE CHEKU – Si drejtor i Hotelit Grand, Zekë Çeku i ka mbetur borxh
Administratës Tatimore 2.2 milion euro. Punëtorëve të Hotelit Grand ai
nuk u ka paguar qindra mijëra euro dhe nuk ka paguar kontributin ta në
Trustin Pensional. Për këtë punëtorët e kanë hedhur në gjyq.
ARSIM BAJRAMI - Përmes një vendimi të Universitetit të Prishtinës
(UP),
profesorit të UP-së Arsim Bajrami i është dhënë një pjesë e tokës
publike në shfrytëzim prej UP-së, në të cilën ishte paraparë të
ndërtohen banesa kolektive për nevojat e personelit arsimor të UP-së.
Kjo është bërë pa bazë ligjore dhe në kundërshtim me dispozitat e
nenit
12 të Ligjit mbi Tokën Ndërtimore, ku u bënë ndryshime në operatin
kadastral duke regjistruar këto parcela të UP-së në shfrytëzim të
tyre.
SALI AHMETI - Ndër drejtorët e parë të pasluftës të Qendrës Klinike
Universitare të Kosovës (QKUK). Auditori i Brendshëm i Ministrisë së
Shëndetësisë ka konstatuar parregullsi të shumta në shpenzimin e
parasë
publike. Shumë përgjegjës janë suspenduar nga puna për këto
paregullsi,
përfshirë Sali Ahmetin.
Gjatë mandatit të tij janë akumuluar borxhe prej qindra mijëra euro
ndaj kompanive publike në vend; si KEK, PTT dhe Ujësjellësit Rajonal
“Prishtina”, si dhe kompanive të cilat e kanë furnizuar QKUK-në me
barëra.
|
