LDK ja është ama e shtetit të Kosovës, ndërsa Ibrahim Rugova është
themeluesi i shtetit, ati i kombit në kuptimin politik të fjalës dhe
është njeri që do të mbetet në kujtesën e shekujve, tha Presidenti i
Kosovës, Fatmir Sejdiu në tubimin e sotëm përmbyllës të fushatës
parazgjedhore të Lidhjes Demokratike të Kosovës (LDK) në Prishtinë.
Para një numri të madh të qytetarëve të Kosovës, që ishin mbledhur
në
sallën "1 tetori" në kryeqytet për ta përmbyllur këtë fushatë,
Presidenti Sejdiu kërkoi nga ata që të dalin në zgjedhje dhe ta japin
besimin dhe votën e tyre tek ata që mendojnë se janë më të mirë.
"Kosova po kapërcen këto ditë në një nga proceset më të mëdha dhe
sfiduese që lidhet ne statusin politik. Ju them edhe një herë sepse po
i përjetojmë bashkë zhvillimet kaq të bujshme, krenare dhe energjike
që
i bën Kosova në përfundimin e procesit politik të statusit të saj,
mëvetësisë së këtij procesi të madh të zgjedhjeve demokratike që
janë
një dëshmi e veçantë për qytetarët e Kosovës në gatishmërinë e
tyre që
Kosova është e gatshme t'i bashkëngjitet familjeve të vendeve të lira
dhe demokratike", tha Sejdiu, ku disa herë ndërpritej nga ovacionet dhe
brohoritjet e shumta si "LDK LDK", "Rugova Rugova", "Sejdiu - Sejdiu".
Ai ka thënë se gjithë ky rezultat vjenë nga një punë e madhe që e
ka
bërë LDK ja dhe populli i Kosovës për më se një dekadë e gjysmë.
"Kemi
kapërcyer sfida dhe sfida dhe këto kemi arritur të kapërcejmë në
mënyrën më të mirë të mundshme sepse kemi pasë në udhëheqje
njeriun e
madh të Kosovës, njeriun e vizionit të shekujve, Ibrahim Rugova,
Presidentin historik të Kosovës", u shpreh Sejdiu. Ai tha se LDK ja me
Rugovën në krye diti më së miri që të artikulojë fuqishëm
ndjenjën e
shqiptarëve në dekada për të arritur dhe gjetur rrugën më të mirë
të
mëvetësisë, lirisë, pavarësisë dhe rrugën e demokracisë që
është një
moto e përhershme që e ka përcjellë dhe do ta përcjellë në
vazhdimësi
qasjen themelore që ka Kosova për lirinë njerëzore, pavarësinë e
gjithmonshme të saj, të shtetit të Kosovës dhe për demokracinë.
"Kosova
do të jetë sikur vendet e tjera me demokraci të zhvilluar sepse garant
do të jemi ne, LDK ja dhe populli i Kosovës. Garant është ai taban i
rëndësishëm që e kemi mirëpritur ta ndërtojmë dhe që do të ecim
bashkë
edhe me miqtë tanë që e kanë mbajtur dhe e kanë ushqyer këtë punë
dhe e
kanë mbështet Kosovën", vlerësoi Presidenti Sejdiu, duke shtuar se LDK
ja e ndien respektin e partive tradicionale dhe të partive moderne.
"LDK ja arriti që me kohën e themelimit të saj, shpirtin e saj, boshtin
e saj kurrizor të vërë tiparet më të rëndësishme për liri dhe
pavarësi
që nga Lidhja e Prizrenit e të gjitha lidhjet e tjera shqiptare,
prandaj është besëlidhja e shqiptarëve dhe besëlidhja e Kosovës",
tha
Sejdiu. Ai tha se LDK ja që prej themelimit të saj, diti që të
orientojë fuqishëm popullin e Kosovës kah bota demokratike, bota që e
don dhe e çmon lirinë njerëzore, kah bota properëndimore. "LDK ja e ka
gjetur rrugën e drejtë, rrugën që na ka çuar përpara në mënyrën
më të
mirë të mundshme. LDK ja nuk do të bëjë kthesë të madhe, kthesë
të
madhe në kuptimin e shtrembërimit të rrugës së saj, por do të
vazhdojë
rrugën e saj të drejtë, rrugën e tolerancës, mirëkuptimit,
bashkëpunimit me gjithë vendet demokratike duke filluar nga SHBA të dhe
vendet e BE së", ka siguruar Presidenti Sejdiu, duke shtuar se
pikërisht LDK ja në projektin e saj diti më së miri të vërë
konturat
themelore se si të qeveriset dhe si të instalohet demokracia e thellë
në institucionet e Kosovës. Ai tha se LDK ja ofron jetë më të mirë
të
qytetarëve sepse ka qenë, është dhe do të mbetet borxhi i LDK së dhe
përkushtimit të saj sepse edhe në këto zgjedhje do të fitoj Kosova
dhe
LDK ja me projektin e saj. "Asnjë në LDK nuk e ka bërë garën për
pushtet. Ajo e ka të qartë besëlidhjen e lidhur me qytetarët e
Kosovës
dhe është e bindur se nuk shkëputet asnjëherë. LDK e ka bërë garën
dhe
prezantimin e projektit të saj dhe këtë pjesë të fushatës elektorale
sikurse edhe në proceset e tjera, për të reflektuar civilizimin dhe
kulturën politike shtetformuese si dhe për të bërë garanci të
fuqishme
se di të qeverisë më së miri më njerëzit më të mirë që ka ajo
në vete",
u shpreh Sejdiu. Presidenti në fjalën e tij tha se LDK ja ka ecur
suksesshëm dhe ka mbetur gjithmonë në lidhje të ngushtë me qytetarët
e
Kosovës pikërisht për shkak se është një parti e besës, besimit në
Zot
dhe besimit në njeri. LDK po ashtu ka arritur që në projektin e saj në
mënyrën më të mundshme të shtojë efiçencën e qeverisjes sepse,
siç tha
Sejdiu "e ka borxh që këtë shtet ligjor dhe demokratik ta
bashkëngjesë
sa më shpjet në proceset e integrimeve euroatlantike". "E ardhmja e
Kosovës është në Evropë dhe në NATO e jo të krijohet shteti i NATO
së
siç na akuzojnë, por në partneritet në NATO dhe anëtarësim në të,
Kosova do të jetë nga segmentet dhe faktorët e rëndësishëm të
bashkëngjitjes me Aleancën Veriatlantike me vendet e Bashkimit
Evropianë, dhe mos të harrojmë kurrë dhe asnjëherë miqësinë e
pashkëputshme të sinqertë të sotmes dhe të nesërme të SHBA ve", tha
Sejdiu. LDK ja me projektin e saj ka pasur gjithmonë fjalë e premtime
pak, por punë shumë. "LDK ja, nuk është parti e një njeriu, ajo nuk
ka
magjistar që do ta ndërrojnë gjendjen e Kosovës brenda natës, por ka
njerëzit e saj që do të punojnë më sistem më angazhimet e tyre ashtu
siç është jeta dhe projektet e përgjithshme të ecjes së Kosovës dhe
qytetarëve të saj pa dallim feje dhe etnie", tha ai. Kosova dhe LDK ja,
vijoi Presidenti Sejdiu, asnjëherë nuk do të mendojë të kalojë lumin
dhe të harrojë miqësinë dhe falënderimin më të gjithë ata që
kanë qenë
në këtë kompozicion të rëndësishëm të ecjes. "LDK asnjëherë nuk
ka qenë
dhe nuk është që të krijojë një shtet që do të gravitojë nga
nëpërkëmbja e vlerave të demokracisë, por në projektin e saj ka
kuptimin se demokracia është një rend dhe respektim i ligjit, barazi
qytetare etj", tha ai. Presidenti Sejdiu theksoi se LDK ja dhe Kosova
janë të interesuar që ta dëshmojnë veten se pas njohjes
ndërkombëtare
të pavarësisë, Kosova ta dëshmojë edhe më fuqishëm
qëndrueshmërinë e
shtetit të Kosovës. "Kosova si vend i bekuar ka shanset më të mëdha
se
sa shtetet e rajonit. Kosova ka pasurinë e pashtershme, pasurinë
minerare dhe tokë të pjellshme dhe të bekuar, Kosova ka njerëzit e
vet,
popullin e bekuar dhe këto do të kombinohen në mënyrën më të mirë
të
mundshme në kombinim me ndihmën dhe fondacionet ndërkombëtare që do
të
ndihmojnë për të qenë koshient se këto ndihma nuk do të jepen vetëm
për
një moment për t'u harxhuar bosh, por Kosova dhe LDK ja në qeverisje do
të dijë në mënyrën më të mirë të mundshme që t'i kanalizojnë
dhe të
nxjerrë profitin për qytetarët e saj", ka thënë në fund të fjalimit
të
tij, Presidenti i Kosovës Fatmir Sejdiu, duke u bërë thirrje të
gjithë
qytetarëve të Kosovës që të dalim në zgjedhjet e 17 nëntorit.
|
